1.

જળ, હવા, આભમાં અગ્નિમાં, ધરામાં છે કોણ

જેમ મુજમાં છો તમે એમ બધાંમાં છે કોણ

વાદળો જેમ હવા સંગ વહે રાત દિવસ

તોય જાણી ન શક્યો વ્હેતી હવામાં છે કોણ

ઉમ્રભર પૂછ્યા કર્યું કિન્તુ મળ્યો ના ઉત્તર

હોઉં કર્તા જો હું તો મારી ક્રિયામાં છે કોણ

સહુ અનાદિથી મથે તોય નથી તાગ મળ્યો

ફિક્કા અસ્તિત્વની ઉપરાંત ત્વચામાં છે કોણ

મૌન પડઘાય છે વાતાવરણમાં પ્રશ્ન થઈ

બંધ ઘરમાં હું રહું છુ તો સભામાં છે કોણ

કોઇ દિનરાત ભરી જાય રગોમાં ઘટના

નથી સમજી શક્યો હું કાળી વ્યથામાં છે કોણ

છે સુરાલયમાં બધાં ચૂર નશામાં સાહિલ

તોય પૂછે છે પરસ્પરને નશામાં છે કોણ

•

2.

સર્વ વ્યથાઓ તગડી છે

કિસ્મત બિલ્કુલ બગડી છે

         જીવતર આઠે આઠ પ્રહર

          એક સળગતી સગડી છે

છઠ્ઠી ધાવણ યાદ કરે

એમ પીડાને રગડી છે

           વાંચી લે પળમાં ચહેરો

            આંખો જબરી દગડી છે

પગલાંની સેના હરદમ

રસ્તા સાથે ઝગડી છે

             જીવવા જેવી ધૂન સદા

              સન્નાટામાં વગડી છે

મુફલિસ સાહિલના માટે

ગઝલો સોના લગડી છે

••

3.

ગઝલ

મનથી મન મળ્યાં કરે

જાત ઓગળ્યા કરે

લાગણીના વિશ્વને

લાગણી છળ્યા કરે

શું અછડતી વાતના

અર્થ નીકળ્યા કરે

દૃશ્યની હવેલીમાં

દર્પણો પળ્યા કરે 

એ મથક જુદાઈનું

માર્ગ જ્યાં મળ્યાં કરે

કાળ જેવા કાળથી

સ્વપ્ન ક્યાં ટળ્યા કરે

વાત ધ્યાનથી સાહિલ

મૌન સાંભળ્યાં કરે

•••

નીસા- 3/15, દયાનંદ નગર, રાજકોટ – 360 002

e.mail : sahilrjt1946@gmail.com

1.

મનથી મન મળ્યાં કરે

જાત ઓગળ્યા કરે

વાત મારી કાન દઈ

મૌન સાંભળ્યા કરે 

લાગણીના વિશ્વને

લાગણી છળ્યા કરે

શું અછડતી વાતના

અર્થ નીકળ્યાં કરે

દૃશ્યની હવેલીમાં

દર્પણો પળ્યા કરે 

એ મથક જુદાઈનું

માર્ગ જ્યાં મળ્યાં કરે

કાળ જેવા કાળથી

સ્વપ્ન ક્યાં ટળ્યાં કરે

•

2.

બિમ્બને બે ચાર થપ્પડ મારિયે

પીઠ પોતાની પછી પસવારિયે

માણવી હો જીવવાની જો મઝા

શક્ય હો એવું કશું ના ધારિયે

ભ્રમને વાઘા સત્યના પહેરાવવા

હોય સાથે એમને સંભારિયે

ચાલ આજે રણની છાતી ચીરીને

પગરવોનું હોડકું હંકારિયે

આંખમાં ઝળઝળિયાં ઝળહળ થાય છે

પાંપણોને સ્વપ્નથી શણગારિયે

ખાલી ખિસ્સામાં ગગનને ગોપવી

લાગણીના વ્યાપને વિસ્તારિયે

આ સમય જેવા સમયને જીતવા

હારિયે સાહિલ સમયને હારિયે

••

3.

જે સાથ સાથ રહે તોય પણ મળે જ નહીં

અમારું મન અમારી સાથે પણ ભળે જ નહીં

ભલે મારો ચીરો કાપો ફાડો દાટો પાતાળે

પરન્તુ કોઈ રીતે કામના ટળે જ નહીં

લગાર થાય ઈશની યદિ કૃપાદૃષ્ટિ

ભભૂકતી ભઠ્ઠીમાં પણ જીવજી બળે જ નહીં

તમામ ઉમ્ર અમે મનની વાત કહેતાં રહ્યા

ને દાધારીગું નગર વાત સાંભળે જ નહીં

નીચેથી છેક ઉપર સુધી હવાઈ ચણતર

છતાં મહેલ ઉમ્મીદોનો તો ઢળે જ નહીં

એ વાત કરતાં કરતાં આયખું વીત્યું સાહિલ

જે વાતમાંથી કોઈ અર્થ નીકળે જ નહીં

10-12-2023

નીસા ૩/૧૫ દયાનંદ નગર, રાજકોટ ૩૬૦ ૦૦૨

e.mail : sahilrjt1946@gmail.com

1.

નજર ન આવે

ઊભા હોય આંગણામાં પરન્તુ ભીતર ન આવે

વળી હોય સાવ સામે છતાંયે નજર ન આવે

જે નગરમાં હું રહું છું એ નગર તમે રહો છે.  

છતાં કેમ ક્યાંયથી પણ તમારા ખબર ન આવે

અતિથિ ધરમમાં જો જો કોઈ ખોટ ના જણાયે

વ્યથાઓની સરભરામાં લગારે કસર ન આવે   

સમસ્યા દબાવવાથી મટે એ નર્યો ભરમ છે

તમે કેમ માની લીધું સમસ્યાને પર ન આવે. 

મહા જ્ઞાની કોઈ ઉત્તર હજી ક્યાં દઈ શક્યા છે

 પૂછ્યું’તું કઈ દિશા છે જ્યાં ખુદાનુ ઘર ન આવે 

મર્યા વિણ ન સ્વર્ગ પામી એ કુદરતી નિયમ છે

જે કરે ન પાર દરિયો એ કિનારા પર ન આવે

તમે કેમ સાવ ભૂલી ગયા છો આ સત્ય સાહિલ

કદી સામે ચાલી તમને મળવા શિખર ન આવે

ત્રત્રત્રત્રતમે કેમ સાવ ભૂલી ગયાં છો આ સત્ય સાહિલ

કદી સામે ચાલી તમને મળવા શિખર ન આવે 

છે જરૂરી આંગણાને તમારે વળોટવાનું

અહીં તમને મળવા માટે કદાપિ ડગર ન આવે

કરી ક્યાં શક્યા છે જ્ઞાની સમાધાન મારા મનનું

મેં પૂછ્યું’તું કઈ દિશા છે જ્યાં પ્રભુનું ઘર ન આવે

કોઈ ઉંબરો વળોટો અને હોય સામે મંઝિલ

કોઈ રઝળે જિંદગીભર તોયે ડગર ન આવે

છે નદીનાં વહેતાં જળમાં લહેરો નરી લહેરો

છતાં રેત ભીની કરવા કિનારે લહર ન આવે

મર્યા વિણ ન સ્વર્ગ પામો છે કુદરતી નિયમ આ

જે કરે ન પાર  દરિયો એ કિનારા પર ન આવે

°°°°°°°

2.

હોવું બટકણી ડાળ અને ડાળ પર તમે

મનમાં જીવ્યાંની ફાળ અને ફાળ પર તમે

પૂછો ન આયખું અટકશે ક્યાં જઈ હવે

ચારે તરફ છે ઢાળ અને ઢાળ પર તમે

સપનાંઓ બ્હાર નીકળે તો કેમ નીકળે 

પાંપણને દ્વારપાળ અને પાળ પર તમે

ધારો કે સાવ ઢૂકડું હો આભ તોય શું 

પંખીને નેણ કાળ અને કાળ પર તમે

માણસની જાત ક્યાંથી પછી મુક્ત થઈ શકે 

છે જીવ ફરતે જાળ અને જાળ પર તમે

થોડી ઘણી કૃપા ગગનની કેમ ના મળે

ફેલાવી છે મેં ચાળ અને ચાળ પર તમે

સાહિલ ભસમ થવાને હવે વાર કેટલી

હોવું સ્વયંભૂ રાળ અને રાળ પર તમે

°°°°°°°

3.

એ જ ઈચ્છા છે માત્ર ઈચ્છામાં

તુ રહે સાથ બેઉ દુનિયામાં

આવવું તારું ને જવું મારું

કાળ થંભી ગયો છે દ્વિધામાં

તારી નિર્દોષ આંખમાં વ્હલપ

એક દરિયો છે જાણે દરિયામાં

પ્રશ્ન પૂછો નહીં ભલા થઈ ને

વાત ગુચવાય છે ખુલાસામાં

કોણ જાણે કદમ અટકશે ક્યાં

મંઝિલો આમ છોડી રસ્તામાં

કાળની આભ ઊંચી ભીંત કૂદી

કોઈ સાંજે મળીશ પડઘામાં

જખ્મ પીડા ઉદાસી ગમ સાહિલ

શું હતું બીજું હસ્તરેખામાં

08-12-2023

નીસા 3/15 દયાનંદ નગર, રાજકોટ 360 002