ડૂમો ભરાયો છે ગળામાં,
મૌન પૂરાયો છે ગળામાં,
આંસુઓ પૂછે છે આવીને
કોણ ઘેરાયો છે ગળામાં,
સૌની નજરની સામે રોજ
દર્દ ટકરાયો છે ગળામાં,
વાણી બની ગઈ નિ:શબ્દ
કામણ કરાયો છે ગળામાં,
સવારના કિનારે આવીને
સ્વપ્ન મરાયો છે ગળામાં,
સમયના મેળામાં ઓચિંતો
‘ભાવુક’ ચોરાયો છે ગળામાં.
મન ની મુરાદ પૂર્ણ કરજે
મારી ફરિયાદ પૂર્ણ કરજે
અનેક ભવોથી ઊભો થયેલો
ભીતરનો વિવાદ પૂર્ણ કરજે,
તારી અકળ કલાને હટાવી
સઘળા સંવાદ પૂર્ણ કરજે,
તારા સુધી પહોંચી જવામાં
સંકટોને આબાદ પૂર્ણ કરજે,
સ્વીકારી મારી શરણાગતિ
સઘળો ઉન્માદ પૂર્ણ કરજે,
“ભાવુક”ને પોતાનો સમજી
અરમાન એકાદ પૂર્ણ કરજે.
ભીતરમાં સ્મૃતિ સાચવી છે.
એકાંતની પ્રવૃત્તિ સાચવી છે.
દર્દ ભર્યા ચહેરા પર લગાવેલ
હાસ્ય કેરી તક્તી સાચવી છે.
ક્ષમા વસ્ત્રના ખિસ્સાની અંદર
મૌનપણાંની વૃત્તિ સાચવી છે.
રોજ સવાર સાંજ તને પામવા
ઉમ્રને થયેલી ક્ષતિ સાચવી છે.
અશાંત વિચારોનાં ટોળાં વચ્ચે
‘ભાવુકે’ હવે શાંતિ સાચવી છે.