તો આપો

થોડો  સહકાર તો આપો,

મુખેથી સ્વીકાર તો આપો,

પ્રેમને સદા ટકાવી રાખવા

કોઈક  આધાર તો આપો,

ગુંચવાયેલી છે ગૂઢ વાતો

થોડો વિસ્તાર તો આપો,

કલમથી વાત ના બને તો

હાથમાં તલવાર તો આપો,

કિનારા સુધી પાર પહોંચવા

હોડી ને પતવાર તો આપો,

રાત્રીના અંધારામાં ભટકેલ

‘ભાવુક’ને સવાર તો આપો.

•

કળયુગ

સ્વાર્થ  કેરી  બજાર છે.

રુપિયાનો કારોબાર છે.

ચાપલુસી છે ચરમ પર

સંબંધો ઊંડી ભોંખાર છે.

અડિંગો કર્યો છે આડંબરે

સત્યતા સાવ બિમાર છે.

ફૂલો ગુમ છે અજ્ઞાતમાં

પરપોટાનો શણગાર છે.

કાગળને થયો અસ્થમા

પેનની ચાલુ સારવાર છે.

બોલબાલા છે કપટ કેરી

કળયુગનો એ આધાર છે.

હસતાં ‘ભાવુક’ માણસોમાં

કાયમી ભીતર ચોધાર છે.

અંજાર કચ્છ

e.mail : bharatgpswami00@gmail.com

નજરની ધારે  બેઠા હતા,

જાણે  કિનારે બેઠા હતા,

ઘુસી આવી યુવાની ઘરમાં

અમે તો બારે  બેઠા હતા,

એ જરૂર આવશે હમણાં

એ જ વિચારે બેઠા હતા,

ફોગટ પરપોટાને પામવા 

પાણી સહારે બેઠા હતા,

આજે દોસ્તો ને દુ:શ્મનો

‘ભાવુક’ હારે બેઠા હતા.

અંજાર કચ્છ

e.mail : bharatgpswami00@gmail.com

આજે વધી છે સળવળ,

છે હજી ભીની અટકળ,

પ્રવાસ છે નવી બજારનો

પેટમાં છે જૂની ટળવળ,

કોણ, ક્યારે, ને એ કયાંથી?

જણમાં છે એ ચળભળ,

પાણીમાં ભીંજાયો છતાં

એ સળગ્યો છે ભળભળ,

અરીસાએ એવું શું કીધું કે

હૈયે શરૂ થઈ છે ચળવળ,

ઊગી છે રોશની શબ્દો કેરી

‘ભાવુક’ ચમકે છે ઝળહળ.

અંજાર કચ્છ

e.mail : bharatgpswami00@gmail.com