ન જાણે જશું ક્યાં ? અટકવાનું નહોતું,
ઉતરવાનું, ચઢવાનું, વળવાનું નહોતું,
કે જીવવાનું નહોતું ને મરવાનું નહોતું,
જીવનમાં વધુ કૈં જ કરવાનું નહોતું.
હતો ફક્ત આગળ જવાનો જ રસ્તો,
અને મારે આગળ નીકળવાનું નહોતું.
હૃદયની સ્વત: ભીંત ફાડીને ઊગશે,
કવિતામાં દિમાગ કસવાનું નહોતું.
કરો સુપરત કે સ્વીકારો, હૃદય છે,
ગમે તેમ નીચે પટકવાનું નહોતું.
જરા આંખમાં જોઈ, નીકળી ગયો છું,
કણાં જેમ મારે ખટકવાનું નહોતું.
e.mail : ashishmakwana@live.com