ને પછી સમાજ પર સત્તા હાવી થાય છે
ને પછી એમાં જ જુઠ્ઠાણાંના અમીબા મલ્ટિપ્લાય થાય છે!
ને પછી એ જુઠ્ઠાણાં જ જીવતરનું ખાતર બને છે.
ને પછી એ ખાતરથી જ જીવન ખાતર થાય છે.
ને પછી એ સિલસિલો ચાલ્યા જ કરે છે.
ને પછી એમાંથી રમૂજો-મજાકો-મશ્કરીઓ ઊગ્યા કરે છે
ને પછી એમ એ બધું ઊધઈમાં ફરી જાય છે.
ને પછી એ ઊધઈ ધરમકરમની વાતો ખાઈ-ખાઈ પુષ્ટ થાય છે.
ને પછી એ આંધળા અંધારે જીવ્યા કરે છે.
ને પછી આવનારી પેઢી એમાં જ ભળ્યા કરે છે.
ને પછી એય એની એ જ વાતો જુદા રાગે ગાયા કરે છે!
ને પછી જુઠ્ઠાણાંના જાતજાતના થોર ઊગે છે
ને પછી એના કાંટાથી નવી હવા ચિરાયા કરે છે
ને પછી એનાથી જ સમાજ આખો ખદબદે છે.
ને પછી એને જ વિકાસ કહેવાય છે.
ને પછી એમ જ દિવસો …
મહિનાઓ ….
વરસો જાય છે!
– જોઉં છું તો સવારે
ખડખડાટ હસતો સૂર્ય
ક્ષિતિજ પર …
ને પછી એમ જ ….
E-mail : ybmacwan@gmail.com
સૌજન્ય : “નિરીક્ષક”, 16 જુલાઈ 2022; પૃ. 05
