‘તને ચાહી શકું
રેત પર પવન જેવું એ તો થયું
મને ચાહવા દીધો ઘણું
દરિયાનું પાણી રેતને મળ્યું, પાછું વળ્યું ને રેતમાંથી જે ગયું એવું થયું’
પુસ્તકના પાને આ શું લખાયું
ન કશું સમજાયું, ન કશું પમાયું.
મારે મન
પ્રેમ એટલે લથબથ-લથબથ
પરસેવાની ગંધ
ગંધમાં ભળેલી ટૅલ્કમ પાઉડરની ગંધ મંદ-મંદ.
અને, તારું-મારું નામ
મૂતરડીની ભીંત પર કોઈ બળેલો ઢેખાળાથી લખી જાય, ઘૂંટી જાય
પછી શું
તું ને હું
પાનની પિચકારીઓથી પૂરેપૂરાં ન રંગાય
પ્રેમ આપણો ત્યાં લગણ અમર થઈ જાય.
e.mail : umlomjs@gmail.com