કીકી જેવું છે આ જીવન,
ક્યારેક ફેલાય, ક્યારેક સંકોચાય
બે’ક અક્ષર ધૂંધળા વંચાય છે,
સપનાં કયાં સાકાર થાય છે
ઝાકળ માફક ગગન આખું ઝાલ્યું,
નીતરતી ચાંદનીમાં દરિયો ધોધવાય છે,
ખાળખડતું ઝરણું નદીમાં ખોવાય છે
સપનાં કયાં સાકાર થાય છે
આ ટીપાની ધાર પર કયાં સુધી રહું,
આસમાની ભેજ ખુલતા જાય છે,
પાણીમાં માછલી તણાય છે,
સપનાં કયાં સાકાર થાય છે
અધૂરી સાંજે રંગ લઈ સૂરજ ઢળે,
માંડ જર્જર જાત સંકેલાય છે,
ઘડીક જીવનનું મર્મ સમજાય છે,
જો સપનાં બધા સાકાર થાય છે
ફરું છું ખુદ; ખુદ ને લઈ ને,
ખુદ ને ખુદ મળતો જાય છે,
આ સપનાં જો સાકાર થાય છે,
સૂરજના કિરણો દૌડતા થાય છે.
ઘાટકોપર, મુંબઈ
e.mail : bijaljagadsagar@gmail.com