તું જ કહે કે કેવી રીતે દૂરથી તુજને વ્હાલ કરું,
મારી બાથમાં ગુંથાય ત્યારે પ્રેમ ઊભો થાય !
આ સૃષ્ટિ છે ના સાંકળી એમાં મળી બે ઘડી,
પ્રિયાને આલિંગું મુજ હ્રદયને જો પ્રિય દેખાય!
નથી જો સૌંદર્ય દેખાતું તો એ દોષ દૃષ્ટિનો !
છબી તુજ નીરમાં લ્હેરે લ્હેર વહેતી જાય !
ગુલાબી ગાલે નવીન સ્મિત મીઠું ફરકતું !
આંખ રતુંબડી ખુશનુમાં નયન ભીનાં દેખાય!
બધું ઊલ્લેખવાની છે છૂટ કિંતુ ઈશારામાં !
ટપકતાં દિલનો અન્દાજ અંતર તણો ન કરાય!
ઈશ્કનો તુજ બુખાર હવે જશે કયાં સુધી ?
શ્વાસ નાદ બિંદુની નિકટ શ્વાસોમાં ધડકાય !
આકાશ વાયુ પૃથ્વી આ પાણી અને પ્રકાશ,
પંચતત્ત્વે રંગે અમૃત સાગર પ્રેમનો છલકાય !
ઘાટકોપર, મુંબઈ
e.mail : bijaljagadsagar@gmail.com