ઓ બળાત્કારી ને હત્યારા, તમોને માફી શાને ?
કેદમાંથી આમ પરભારા, તમોને માફી શાને?
બ્હેરા અસ્તિત્વે કશું વળગે ન તમને, રાજને પણ !
કેમ સરકારો છે આવારા, તમોને માફી શાને ?
પ્રામાણિકને જીવવાનો કોઈ પણ મળતો ન રસ્તો
ભેટમાં તમને દે જન્મારા, તમોને માફી શાને ?
એકી સાથે સૌને છૂટ્ટા મેલી દીધા મ્હાલવાને
શાહુકારો પણ છે પીંઢારા, તમોને માફી શાને ?
મુક્તિના હકદારો બેઠાં છે હજી યે જેલમાં પણ
એમને દીધાં છે અંગારા, તમોને માફી શાને ?