જે Aparna Anekvarnaનાં મને બહુ ગમતાં કાવ્યો પૈકી એકનો અનુવાદ પ્રસ્તુત કરું છું.

એક નિરંતર ઉત્સવ

ધીમે ધીમે બજાવાતા રબાબ જેવો

જેને કોઇ વિચારલુપ્તતામાં વગાડી રહ્યું હોય, 

બસ પોતાના માટે જ :

જાણે કોઇને સંભળાવવાથી એ મલિન થઇ જશે

કોઇ સાક્ષી હશે તો જાણે એનું જાદુ છિનવાઇ જશે

જાણે કે વર્ષોથી કોઇ કંઇ બોલ્યું જ ના હોય –

મોં ખોલે તો પણ અવાજ નીકળે નહીં

કંઠનું કંપન, આરોહ-અવરોહ, બધું નકામું.

કલાદીર્ઘા ભૂંસાઇ જાય મનમાંથી,

વિવેચકોની સ્મૃતિ માત્ર ઊડી જાય –

એ જ સાથી બને જે  ભીતર આવે તો જૂતાં ઉતારીને.

એક કણ જેટલું બહાર પણ મંજૂર નહીં …

બસ રંગો ઉતરે નવા નવા,

એક પુલ બંધાય આત્માથી પીંછી સુધી.

એટલું જ બોલવાનું – 

આવશ્યકને પણ ગાળી નાખ્યા પછી જેટલું બચતું હોય.

ચાલો મન,

ધીરે ધીરે ગાયતોંડે બની જઇએ.

(ચિત્ર : વી.એસ. ગાયતોંડે)

સૌજન્ય : નંદિતાબહેન મુનિની ફેઇસબૂક દીવાલેથી સાદર

આજે પલ્લવી ત્રિવેદીના એક કાવ્યનો અનુવાદ. અઠંગ પ્રકૃતિપ્રેમી કવિને તમે અહીં પણ વાંચી શકશો : kuchehsaas.blogspot.com 

•

કીડી અનાજ ભેગું કરે છે

ઊંટ પાણી સંઘરે છે 

પાઈ પાઈ કરીને ગૃહિણી ભેગા કરે છે સિક્કા 

અને પ્રેમિકાઓ એકઠો કરે છે 

પ્રેમીની આંખોમાંથી ઝરતો સ્નેહ, પોતાના કઠિન સમય માટે.

પૃથ્વી યુક્તિઓ કરે છે થોડીક લીલપ બચાવી રાખવાની

આકાશ થીગડું દેવાની કારીગરી શીખે છે

એના પહેરણના એક મોટા કાણાને રફૂ કરવા માટે

સૌથી ખરાબ દિવસો માટે હું પણ

એક લાલ ડબ્બીમાં એકઠી કર્યે રાખું છું

થોડીક વસ્તુઓ

જેમ કે પક્ષીના ગાનનો કલરવ, સપ્તરંગી હાસ્ય બાળકોનું ,

કોમળ સ્પર્શ ખિસકોલીના પંજાનો, ઘેરી ઉદાસીભરી સંધ્યાઓ

કોઇ થાબડતું હોય એવું સંગીત

કલેજું ચીરી નાખતા વ્યાકુળ પોકાર

અને યાદો, એ લોકોની.

જેમની પાસેથી ક્ષમા અને પ્રેમ મળ્યા, 

બિનશરતી.

ખરાબ સમયની વ્યાખ્યાઓ તો ઢગલાબંધ છે

દરેકનો ખરાબ સમય બેહદ પોતીકો હોય છે.

જ્યારે પણ મારી અંદરની માનવતાને શ્વાસ ભરાવા લાગે છે

ત્યારે શરૂઆત થાય છે મારા ખરાબ સમયની.

બહુ ઉમદા હવાઈ છત્રી છે મારી લાલ ડબ્બી

કાયમ અણીના સમયે ખૂલી જ જાય છે

ને એવી રીતે દર વખતે હું બચી જાઉં છું

ને આ પૃથ્વી પણ. 

ડબ્બીઓ આવી ભરેલી રહે,

સલામત રહીએ આપણે બધાં.

સૌજન્ય : નંદિતાબહેન મુનિની ફેઇસબૂક દીવાલેથી સાદર

તમે કહો છો :

જે કંઇ છે મારાં

નાનાં મોટાં યત્નો 

વ્યર્થ છે : 

જ્યારે તોળાતો હશે ચુકાદો નાજુક 

એ નહીં નમાવી શકે

દુર્નિર્ધાર્ય ન્યાયનું ત્રાજવું.

હું નથી માનતો કે મેં એવું ધાર્યું ય’તું 

છતાં, 

નિશંક 

છે મને પક્ષપાત જક્કી

– કરું સમર્થન : સર્વ ચર્ચાથી પરે –

ખુદના સ્વાયત્ત હક સારું

કે

સ્વયં કરી શકું નક્કી

ત્રાજવાની કઇ બાજુ પામશે

પાશેર, પણ દુર્દાંત વજન મારું 

બોનારો ઓવરસ્ટ્રીટના કાવ્ય Stubborn Ounces of my weight નો ભાવાનુવાદ 

……

Stubborn Ounces of My Weight by Bonaro Overstreet

You say the little efforts that I make 

will do no good: they never will prevail 

to tip the hovering scale 

where Justice hangs in the balance.

I don’t think I ever thought they would.

But I am prejudiced beyond debate 

in favor of my right to choose which side 

shall feel the stubborn ounces of my weight.