ગીધડાં ફરતા જગતમાં, આ જગત સમશાન છે
ફોલતાં સૌને મફતમાં, આ જગત સમશાન છે

જૂઠના તો ઢોલ વાગે, તાલમાં સૌ નાચતા
પ્રેત સૌ શું આ વખતમાં? આ જગત સમશાન છે

કેવી લાચારી મળી કે અરજી મૃત્યુને કરી
જાત દીધી દસ્તખતમાં, આ જગત સમશાન છે

આખલા મ્હાલ્યા કરે છે, કોણ એને નાથશે?
વ્યસ્ત સૌ બીજી મમતમાં, આ જગત સમશાન છે

માણસાઈ રોજ અહીં મરવા પડે છે કેમ કે
સત્ય જોયું ફક્ત 'મત'માં, આ જગત સમશાન છે

સૌજન્ય : “નિરીક્ષક” સાપ્તાહિક ડિજિટલ આવૃત્તિ; 12 ઑક્ટોબર 2020; પૃ. 05

રાષ્ટ્રપિતા ગાંધીજી
વિશે બોલવા તૈયારી કરતી
બીજા ધોરણની બાલિકાએ આવી
દાદાને પૂછ્યું :
‘કેમ મારી ગોળીઓ, બાપુને!?
ઘરડા હતા તો ય !?
…… એ તો આમે ય મરી જ જવાના હતાને!’;
નિરુત્તર દાદા :
પછી બોલ્યા મનમાં –
‘હા, આઝાદીની અમૂલ્ય જણસ
મેળવી લીધા પછી
ફસકી રહેલા મિત્રો, કાયર સાથીઓ અને
કૃતધ્ની સમૂહોને જોઈ જોઈ
ગાંધી આમે ય રોજ રોજ

સૌજન્ય : “નિરીક્ષક” સાપ્તાહિક ડિજિટલ આવૃત્તિ; 12 ઑક્ટોબર 2020; પૃ. 12

આપણે જવાનું છે,
શું બીજું થવાનું છે!

હાથ જો તું ફેલાવે,
કેદ થૈ જવાનું છે.

તું ઊભી છે ઠોકરશી !
તો, તો વાગવાનું છે.

કામ તારું ભીંતોને,
બૂમ પાડવાનું છે.

ક્યાં બીજા વિકલ્પો છે?
માત્ર જીવવાનું છે.

શું કરીશ શ્વાસો થૈ?
કામ એ હવાનું છે.

જાતની ગડી કરતાં,
ઊકલી જવાનું છે …

0

e.mail : ravindra21111946@gmail.com