હા, મેં જોયા છે,
હિન્દુ-મુસ્લિમ કરતાં દલાલોને.
વાત શું હતી
એ કોન જાણે છે!
અહીં કોઈને
હિન્દુરાષ્ટ્ર જોઈએ છે,
કોઈને મુસ્લિમ.
રાષ્ટ્ર સૌને
પોતપોતાને નામ જોઈએ છે.
હા, આ ધર્મ છે,
ધર્મનાં નામે દંગાઓ થાય છે, ફેલાય છે,
કોઈ એક શહેરના ખૂણેથી દેશ આખામાં.
પછી અસંખ્ય નિદોર્ષોની કત્લેઆમ થાય છે,
હિન્દુ હો કે મુસ્લિમ,
મર્યા પછી કોણ ક્યો ધર્મ પાળશે!
e.mail : shiyalmanish1996@gmail.com
મનિયો; સાચેસાચું બોલ બાપુ !
‘હિંસા’
એટલે
કે
‘‘યુદ્ધ એ જ કલ્યાણ' સર્વોચ્ચ પરમ્ ધર્મ’’ની
વિચારધારાથી અંતરાઈને
ક્યાં છૂપાઈ બેઠો છે ?
કોઈએ કહ્યું;
કે – એ
ઉત્તર-દખણ, પૂરબ-પશ્વિમ
'સત્ય-અહિંસા એ જ ધર્મ’ની
આડ લઈ બેઠો છે,
મનિયો; તે આટલી બીક કોની હેં, બાપુ !
બાપુ; હું છૂપાયો નથી
પણ હા …
મને છૂપાવાઈ છે
સત્ય અને અસત્ય વચ્ચે
હિંસા અને અહિંસા વચ્ચે
એથી જ
હું, ડરું છું,
ગોડસેની હિંસકવાદી ગોળીથી
રાજકારણની અસત્યવાદી બોલીથી
ને
પૈસો મારો પરમેશ્વરા'દીથી
એ…એ… મારી અહિંસા સાથે
બળજબરીથી
દુષ્કર્મ આચરી
એને ગર્ભવતી કરી
હિંસાના સંતાનો ઉત્પન્ન કરવા મથે છે.
e.mail : Shiyalmanish1996@gmail.com
હે, પ્રથમી
આ માનવે માનવતા મેલી છે,
એને બાંધ્યા છે આંખે પાટા
એ ન્યાય આપે છે,
એની મતિ મુજબ સાચા-ખોટા
એને કાને ભોંક્યા છે, ખીલા ખાલી ખોટા,
એ સાંભળે છે,
જે એ સાંભળવા માંગે છે,
ખરેખર માનવી નિષ્ઠુર થયો છે,
એણે પ્રથમી આખી
સોંપી દીધી છે દૈત્ય ને.
હા, હા, એ કાળા માથાના દૈત્યને.
એ મને કોતરી ખાય છે,
એ મારા પર અત્યાચાર આચરે છે,
હે, પ્રથમી
હું માનવતા
આ ધરા પર
કાળની સાથે નશ્વર થઈ રહી છું,
મરણ બે વેંત માથે લઈ જીવી રહી છું.
e.mail : shiyalmanish1996@gmail.com