હે, પ્રથમી
આ માનવે માનવતા મેલી છે,
એને બાંધ્યા છે આંખે પાટા
એ ન્યાય આપે છે,
એની મતિ મુજબ સાચા-ખોટા
એને કાને ભોંક્યા છે, ખીલા ખાલી ખોટા,
એ સાંભળે છે,
જે એ સાંભળવા માંગે છે,
ખરેખર માનવી નિષ્ઠુર થયો છે,
એણે પ્રથમી આખી
સોંપી દીધી છે દૈત્ય ને.
હા, હા, એ કાળા માથાના દૈત્યને.
એ મને કોતરી ખાય છે,
એ મારા પર અત્યાચાર આચરે છે,
હે, પ્રથમી
હું માનવતા
આ ધરા પર
કાળની સાથે નશ્વર થઈ રહી છું,
મરણ બે વેંત માથે લઈ જીવી રહી છું.
e.mail : shiyalmanish1996@gmail.com