ચકર છોડવામાં ચકરડી છૂટી ગઈ,
શબદ ઝાલવામાં જીભલડી છૂટી ગઈ.
હતી ડોલ કાણી, ગઈ એ ય તળિયે,
વૃથા વેઠમાંથી ગરગડી છૂટી ગઈ.
ધરી ફેણ બેઠા ચરુ પર ચડીને,
ન દમડી છૂટી કિન્તુ ચમડી છૂટી ગઈ.
દિગંબર થયાં નેત્રને એવાં દર્શન,
ઝીણી ધાર ઝરતી કરવડી છૂટી ગઈ.
ગયા લહાવ લેવા બની મોહિની ત્યાં,
અહીં, પદ્મપાણિ ! પદમડી છૂટી ગઈ.
કરવડી: નાળચાવાળી લોટી; ઝારી
પદમડી: પદ્મિની સ્ત્રી
શબ્દસૃષ્ટિ (જૂન 2021)માં પ્રગટ નનામો લેખ અને એના વિષે દર્શક આચાર્યની ફેસબુક વોલ પર ચગેલી ચર્ચા જોયા પછી લખાયેલી કૃતિ.
e.mail : spancham@yahoo.com