અંદરથી

મેં

બારણાંને સ્ટોપર મારી છે.

બહારથી કોઈ

લોખંડી સાંકળ વાસી ગયું છે.

આને તે કંઈ ઘર કહેવાય ?

હું

બારીની બહાર જોયાં કરું છું.

લીમડા પર ઊગી રહેલાં તાજાં રાતાં પાંદડાં

હલી રહ્યાં છે.

(16 જાન્યુઆરી 2019)

આશા – આકાશ – વિશ્વાસ – ટકોર

જિંદગી – સફળતા – સૂચવે – ડોર

પતંગ – ગુચ્છ – અંજાન – હાથો

સ્થિર – ગુલાંટ – ખેંચ – ઉમળકો

હુંસા – તુંસી – કાઈ પો – કાઈ પો

ટૂંકી – લાંબી – દોરી – ઠુમકોલ

ફાટવું – તૂટવું – જીવન – ઘટમાળ

ખેંચખેંચ – વિટવું – પેંચ – ગુંચાળ

કાગળ કાયા – ચગતો – પતંગ 

અધ્ધર-સ્તિથ પ્રજ્ઞ-અલખ – સંગ.

ઘાટકોપર, મુંબઈ

e.mail : bijaljagadsagar@gmail.com

સર્જકોની લીલા સમયે પણ હશે તો નર્યો અંધકાર 

અને માની કૂખે પાંગર્યું હશે બીજ 

 ત્યારે પણ 

હશે તો નર્યો અંધકાર જ ! 

નવ નવ મહિનાનો વિકાસ પણ તો 

થયો અંધકારમાં જ 

ટેવ તો હતી ગર્ભાશયની 

ગહન શ્યામલતાને જીરવવાની 

તો પણ જન્મીને 

દુનિયા તો માની આંખે જ જોઈ 

સમજણ આવી ત્યારે 

કર્ણમૂળે વહી આવ્યો શબ્દ ‘પ્રજ્ઞાચક્ષુ’ 

ત્યારે સમજાયું કે

આ દેહ પર ક્યાંક ચર્મચક્ષુઓ પણ છે ! 

પછી પરિચય થયો શૂન્યોથી 

એમણે કહ્યું કે એટલે ડોટ્સ … 

 ગહન અંધકારની માયાજાળ ઉકેલતી 

લઈ જાય ઉજાસ ભણી 

એવી  આનંદયાત્રા. 

આજે ચાર જાન્યુઆરીએ 

યાદ આવે સૌને અંધારા ઉલેચતી 

 બ્રેઈલલિપિ … થેન્ક્યૂ બ્રેઈલ !