શબ્દોમાં તરતી સાંજ, ધુમ્મસમાં વિચારો ભર્યા,
કલ્પના વિસ્તરી કારણોની પાર, અક્ષરો તર્યા.
ધુમ્મસ ફૂટી ગયા છે શબ્દોના મૌન પ્રદેશમાં,
રઝળતા કાગળો મૂકી શબ્દો, ક્યાં જઈ ખર્યા ?
કાયનાત ચશ્માંનાં કાચ પર આરપાર છેદી,
કાગળની લટકતી વસંતો, શબ્દો ને દર્પણ કર્યા.
શબ્દોના દર્પણમાં ઊગી નીકળ્યાં છે એવાં ફૂલ,
ધોધમાર પાંપણોમાં જળનાં પ્રતિબિંબ ઠંર્યા.
શબ્દોની પારદર્શકતા, હાથમાં કાગળનું સફેદ રણ,
ત્રણ અક્ષરની છાંયડી, વાદળને મૃગજળ કર્યાં.
ઘાટકોપર, મુંબઈ
e.mail : bijaljagadsagar@gmail.com