હાડકાને બટકી નાખતું બળ
ખેચી લાવ્યું વીતેલા વખતના તળમાંથી પળ
પળ હલી શકે
મનફાવે એમ ફરી શકે
ધાર્યું કરી શકે
ભલભલાને અવગણી શકે.
પળ બેઠી
ઘૂરકિયા કરતી ગઈ છેટી
નસકોરાં એનાં બહુ ફૂલેલાં
જાણે ગુફા, ગુફામાં કરોળિયાનાં જાળાં બાઝેલાં
જાળાનો એક તાર તૂટ્યો
ઊડ્યો
હવામાં લહેરાયો
અંગૂઠાને લપેટાયો
લાંબો થયો
વીંટળાતો ગયો, વીંટળાતો ગયો
શરીર પર જગા ન જરી બચી
હું મમી.
e.mail : umlomjs@gmail.com