મારે તો વનેવન વિહરવું છે,
દિલ ખોલીને વિસ્તરવું છે!
બાગ બગીચામાં ફરવું છે,
કુદરતને ખોળે નીખરવું છે.
સમય સાથે ભલે મુરઝાતો,
પણ ખરતા પહેલાં મહેંકવું છે.
બેસી રહેવુ નથી સમેટાઈને,
દશેય દિશાએ વીખરવું છે.
રાજી નથી રાખવા હવે સહુને,
મારે તો મારી રીતે સમરવું છે.
દુન્યવી દ્રષ્ટિએ જોતો રહ્યો છું,
હવે મારી જ નજરે નીરખવું છે.
યાદોનું ભાથું બાંધવું નથી ‘મૂકેશ’
શક્ય તેટલું બધુ ય વીસરવું છે.
e.mail : mparikh@usa.com