મનનાં મોર ટહુકે ડાળી ડાળીએ કરે નર્તન,
ગોરંભાતું આકાશ પહેલા મેઘના જળનો પ્રવાસ છે.
મેઘ માટીની આંખોમાં પડઘા કરે સાદ રે,
આંખોમાં ટમટમતા તારાનો મૂંગો આભાસ છે.
કાળા વાદળ મારાં દુઃખ દર્દ ને ઘેરાઈ બેઠાં,
સૂના આકાશમાં વાદળની વીજળીનો આભાસ છે.
છાતીએ ત્રોફાતી લાહ્ય આકુળ વ્યાકુળ ધરતી,
મેઘ ગગનમાં ઝૂમે, પવનનાં પગલે ડુંગરે પ્રવાસ છે.
ત્રબકતી લાંબી વીજળી મેઘના પડછાયા ગૂંગળાય,
રસભીનું આલિંગન પહેલા મેઘના જળનો પ્રવાસ છે.
ઘાટકોપર, મુંબઈ
e.mail : bijaljagadsagar@gmail.com