અખંડ ધારા વરસાવે જ્યાં અમૃત પાણી,
કરું ત્યાં હું શૂન્ય ધૂનની સચેત વાણી.
સમરસ થઈ સગુણ તુજમાં થઈ ભળું,
કાલકૂટ ઝેર નીકળે પીધું મેં જાણી જાણી.
ખોડ્યા પહાડ, ઝરણાં દરિયાઓ વટાવી,
અહિરાજનાં ડમરૂ વાગે, મુજ કંઠે સંતવાણી.
તર ભીતર ચિતરમાં આતમરૂપ અરૂપ,
પંચતત્વનું પૂતળું ઘડિયું ત્રણલોક ને જાણી.
જળમાં સકળમાં કણ કણમાં દે છે સાદ,
સત્યનાં ગાંઠે બાંધું પ્રેમધૂનની અનંત વાણી.
અખંડ ધારા વરસાવે અમૃત પાણી,
કરું ત્યાં શૂન્ય ધૂનની સચેત વાણી,
છાબું ભરી છંદની, ગીતડાંની ગરમાળ,
અનહદ ઝરૂખે અડધું મૌન અડધી વાણી.
ઘાટકોપર, મુંબઈ
e.mail : bijaljagadsagar@gmail.com