કપરા કાળમાં સંભાળજે મને,
સાદ પાડું ને સામે આવજે મને,
ઊલટી હવા ચાલે છે સંસારની
માર્ગમાં પડું તો તું ઝાલજે મને,
તારા વિના છું અધૂરો ને એકલો
મોસમના રંગોમાં તું પૂરજે મને,
ભવથી સળગું છું તારા વિરહમાં
આવીને જરા તું ઓલાવજે મને,
બંધ હૈયું કરીને બેઠો છું ખૂણામાં
ઘરના ઝાંપા બહાર લાવજે મને,
બધા વરદાન માગે તેની વિપરીત
કંઈક અલગ ભેટ તું આપજે મને,
અલગ થઈ ગયા નજીકના બધાં
“ભાવુક” રસ્તા પર વાળજે મને.
અંજાર કચ્છ
e.mail : bharatgpswami00@gmail.com