કોકના ખભે ચઢીને
ટાવરની ટોચે પહોંચી શકાય છે.
ઊંચે ચઢીને બેઠેલા ઘડિયાળના કાંટે
લટકી શકાય છે.
લટકો ત્યાં સુધી ઘડિયાળના કાંટાઓને
રોકી શકો છો,
ટોકી શકો છો,
ઘડિયાળના કાંટા પાછા પણ ફેરવી શકો છો.
ઘડિયાળના કાંટા પાછા ફેરવવાના ફોટા પણ પડાવી શકો છો,
ટી.વી. ને ઈન્સ્ટાને યુટ્યુબ પર એનાં વIડિયો
રમતાં મૂકી શકો છો.
તાળીઓ પડાવવાના અવાજ પણ ખરીદી
શકો છો.
પણ ગઈકાલ એ ગઈકાલ છે,
આજ એ આજ છે,
આવતીકાલ એ આવતીકાલ છે.
ગઈકાલની સાથે આજ ટકરાય છે,
અને તણખા સાથે આવતીકાલ પેદા થાય છે.
આજ કરતાં આવતીકાલ જુદી હોય છે.
દરેક આવતીકાલ,
દરેક આવતીકાલ હોય છે.
(31 ડિસેમ્બર 2023)
e.mail : manishijani@gmail.com
