અમારા શુદ્ધ ભારતીય ભોજનાલયમાં
ગાયનું માંસ નથી મળતું.
વિદેશી હોટ-ડોગ કે હેમબર્ગર પણ નથી મળતા.
અહીં સ્વદેશી, નો-બીફ બાર્બેક્યૂ જ મળે છે :
હિન્દુઓની હોટ ફેવરિટ ડેલિશિયસ દલિત ડિશ !
સસલાંથી પણ કૂણાં નાનાં નાનાં ભૂલકાઓના ભેજા,
ઢળકતી ઢેલડીથી પણ ઘાટીલી કન્યાઓનાં સ્તનોના ભૂના,
કાંચનમૃગથી પણ કોડીલા જુવાનિયાઓની કલેજી ફ્રાઈ…
જેતલપુરમાં, ગોલાણામાં, બેલછીમા, કુમહેરમાં –-
ભારતના ગામેગામ ને શહેરેશહેરમાં અમારી શાખાઓ છે !