મનની ખોટી ધારણામાં કૈં નથી,
ખોલમાં પરબીડિયામાં કૈં નથી.
બહુ મજા માણી અને થાકી ગયા,
અંતે લાગ્યું, કે મજામાં કૈં નથી.
લાભ-શુભ તો નામશેષ આઠે પ્રહર,
ખુલ્લા ને બંધ બારણામાં કૈં નથી.
એની એ ઘટના જ છે વખતોવખત,
માણસોની પટકથામાં કૈં નથી.
હાથ જે આકાર આપે; ધન્ય છે,
માટી-જળ ને ચાકડામાં કૈં નથી.
અંતે એવું લાગે; તો પણ થાય શું ?
માણસો સઘળાં – બધામાં કૈં નથી.
વક્ત સમજાવે ‘પ્રણય’, એની પ્રથમ,
– સમજી લેવું; ઝાંઝવામાં કૈ નથી.
તા. ૨૦-૦૬-૨૦૧૭
![]()







સમાજની દરેક સીમા તોડતો, આંખમાં આંસુ અને હોઠ પર સ્મિત એકસાથે લાવી દેતો આ પ્રેમ આપણને વિચારતા કરી દે કે આ બંને કઈ દુનિયાના માણસો છે! ઉમા ત્રિલોકે પુસ્તક લખ્યું છે, ‘અમૃતા ઈમરોઝ’. ભદ્રાયુ વચ્છરાજાનીએ તેનો સુંદર અનુવાદ કર્યો છે. પ્રસ્તાવનામાં ઉમા લખે છે, ‘આ બંને વિશે લખવા માટે જે ઊંચાઈ જોઈએ, એમના સંબંધને સમજવા અને આલેખવા જે સર્જનાત્મક કૌશલ જોઈએ તે કદાચ મારામાં નથી. અમૃતા અને ઈમરોઝ સાથે મારી દસ વર્ષની ઘનિષ્ઠ મૈત્રી એ જ કદાચ મારી એકમાત્ર લાયકાત છે.’ અને ભદ્રાયુભાઈ લખે છે, ‘અમૃતા-ઈમરોઝની લિવ-ઈન નહીં, લવ-ઈન રિલેશનશીપ છે.’