ત્રાંસી આંખે તમે જોતાં હતાં, મને યાદ છે,
જોયો ન જોયો તમે કરતાં હતાં, મને યાદ છે.
નજર ફેરવીને ખુમારીથી ચાલી જતા હતાં,
વળી પાછું ફરીને જોતાં હતાં, મને યાદ છે.
વરસાદના દિવસો તો હરગિજ હતા નહિ,
કેશ ખંખેરી વાછંટ વેર્યાનું હજી મને યાદ છે.
“આઈ લવ યુ” કહેવાના એ દિવસો નહોતા,
આંખો વડે કરી હતી એ કબૂલાત મને યાદ છે.
‘મૂકેશ’ યાદ કરીને વિતાવી રહ્યાં શેષ જિંદગી,
તમને એ જ ફરિયાદ છે, શાને બધુ મને યાદ છે.
ન્યુ જર્સી, યુ.એસ. એ.
e.mail : mparikh@usa.com