(પ્રેરણાઃ)
ખોટું ન લાગે તો વાત એક કહું?
હું થોડા દિવસ હવે તારામાં રહું
– મુકેશ જોશી
તું ખોટું જો ના લગાડે તો વાત તને એક કહું?
હું થોડા દિવસ મારી માના ત્યાં રહેવા જઉં?
એ જો પૂછશે તો ઝગડાની વાત તો નહિ કરું
એને વાતે વળગાડી માનું હૈયું જરૂરથી ભરું?
કહીશ એને તારી વહુને છે લાગણી તારી બહુ,
હું થોડા દિવસ મારી માના ત્યાં રહેવા જઉં?
કોણ જાણે મા વગર આ ઘર લાગે મને સૂનું
ઉંમરની સાથે આ ઘર પણ લાગે છે મને જૂનું!
માના હાથની વાનગીઓ પેટ ભરીને હું ખઉં!
હું થોડા દિવસ મારી માના ત્યાં રહેવા જઉં?
નિત તારા વાસણો ધોવાની વાત તો નહિ કહું!
હું થોડા દિવસ મારી માના ત્યાં રહેવા જઉં?
7 ઓક્ટો. ’૧૮
e.mail : chiman_patel@hotmail.com