દૂર બેસી સાંભળતો રહું આલાપ શૂન્યનો,

હાથ ફેલાવી માપી રહ્યો છું વ્યાપ શૂન્યનો.

એક માળા છે ને એક સો ને આઠ મણકા છે.

હું શબદને ઓળંગી કરું છું જાપ શૂન્યનો.

સ્હેજ પણ બોલી શક્યો નહીં હું જોઈને ઘટના;

મૌન જાણે કે સેવી રહ્યું છે શ્રાપ શૂન્યનો.

તીર જેવું શું ભોંકાય છે છાતી મહીં કાયમ;

છું ઊભો ખાલી કાવડ ધરી સંતાપ શૂન્યનો.

એટલે હૃદયમાં થાય છે કંપન હજી ‘आદત’,

કોઈ હળવેથી આપી રહ્યું છે થાપ શૂન્યનો.

2035, Yogeshwar Nagar Society GHB, KAnakpur, Kansad, Sachin (SURAT), 394 230 

e.mail : aadatcreation@gmail.com