વર્ષાવનમાં
અભાન વિચરતી
તરુણી
માદા જગુઆરને
અચાનક પકડી
એનેકોન્ડા
સાંગોપાંગ ગળે
એમ
ગ્રસિત છું હું
પ્રેમથી.
http://thismysparklinglife.blogspot.in
વર્ષાવનમાં
અભાન વિચરતી
તરુણી
માદા જગુઆરને
અચાનક પકડી
એનેકોન્ડા
સાંગોપાંગ ગળે
એમ
ગ્રસિત છું હું
પ્રેમથી.
http://thismysparklinglife.blogspot.in
ચાલ આપણે વાદળ વાદળ રમીએ
રૂપ ત્યજી આકાર ત્યજીને અંજળના આકાશ મહીં બસ અમથાં અમથાં ભમીએ
આજ આપણે વાદળ વાદળ રમીએ
કોણ વરસિયું ક્યાં, ક્યાં ઘૂમ્યું પવન સંગ એ ભૂલી
બસ તારું ને મારું હોવું હળવે હાથ કબૂલી
વણબોલાયાં ઇજન સુણી સંચરીએ સજલ સુવાસે
વણપાંખે પણ ઊડીએ આઘે ઓરે વણઆયાસે
આછું ઘેરું ઘેરું આછું એકમેકને ભૂખરું ભૂરું નામ વગરનું ગમીએ
આવે તું તો વાદળ વાદળ રમીએ
તારું મારું ગમવું સો સો રૂપ ધરીને ઊગે
ત્યાંથી ત્યાંથી ત્યાંથી ઇચ્છા આભ લગી જૈ પૂગે
ઇચ્છાઓના જંગલ ઉપર આછુંઆછું તરીએ
સંજોગોના સઢ સંકોરી સાવ અમસ્તું સરીએ
નહીં-કશું-ને-કંઇક-હોય-છે કેરા અસમાની રંગોમાં ઝીણું ઝીણું ઝમીએ
બોલ શું ક્હે છે, વાદળ વાદળ રમીએ?
http://thismysparklinglife.blogspot.in/search?updated-max=2013-04-19T20:35:00%2B05:30&max-results=7
શાંત વૃક્ષને જોતાં
અહીં ઊભું વૃક્ષ જે
શાંત આમ તો સદા
પણ બધું વિસરી
જોઉં એના ભણી
સ્થિર દૃષ્ટિ કરી, તો લાગતું નર્તવા,
પર્ણમાં બદ્ધ જે પવન,
એને કરી મોકળો બે ઘડી !
જાણ એ મને ન્હ'તી
કે દૃષ્ટિ મારી થાતી
એક જાદુછડી –
વૃક્ષને નચાવતી,
મને એ વિટપની
પ્રણયિની બનાવતી !
http://thismysparklinglife.blogspot.co.uk/2013/07/blog-post_7.html?spref=fb