સ્થિર
દૃશ્યોની જેમ
અવિશ્રાંત
ભાઈ, તને દૂર ઊભો જોતો રહું છું
તું તો ખાલી ઘરમાં
હર ક્ષણનો ખાલીપો
એક્કી શ્વાસે શાંત પડી ગયેલા
ઘૂઘવતા સમુદ્રનો સપાટ સન્નાટો.
– આ ડાઘુઓ તને કાંધે મૂકી
અગ્નિદાહ આપી આપી
રાખ ના કરી શકે ભૂતકાળને.
ક્ષણ સોંસરવા કાયમ
બિડાયેલા હૃદયને ફંફોસી
આંખને કિનારે
અટકી ગયેલાં આંસુને
કાળી શ્યાહીથી સીંચી
લખું છું
કાગળની ભેજ ભરી ભોંય પર
ટ્પ ટ્પક ટ્પ ટ્પક અક્ષરથી – ‘ભાઈ તને’ !
2035, Yogeshwar Nagar Sci. GHB Kanakpur – Kansad Sachin [Surat] Pin N- 394 230
હવાને પણ એટલી ખબર હોય છે,
સુગંધને પણ લાગણીનું ઘર હોય છે.
તને મારામાં જ રોજ ઘૂંટયા કરું,
મને પણ ભૂલી જવાનો ડર હોય છે.
રહું ના હું એકલો જગતમાં કદી,
મને દાટો જ્યાં ઘણી કબર હોય છે.
મને તું એકાંતમાં મળી ના શકે,
ઘણાં લોકોની અહીં નજર હોય છે.
કલેજું તું ઝાડ પર મૂકી આવજે;
નદીમાં 'આદત' ઘણાં મગર હોય છે.
2035, Yogeshwar Nagar Sci. GHB Kanakpur-Kansad Sachin [Surat] Pin N- 394 230
તું મને જા પૂછ કેવો છું હજી,
હા, મરું છું, એમ જીવું છું હજી.
લાવ, તારી આંગળી પકડી ફરું,
બૂમ ‘ઓ મા’ રોજ પાડું છું હજી.
જિંદગીનો રંગ બદલાઇ જશે,
હું મહેંદીથી લખાવું છું હજી.
બારણું કર બંધ હું આવી ગયો,
તે છતાં પાછો ઉધાડું છું હજી.
હા, હવે હાંફી ગયો છું શ્વાસથી!
એકલો આ વાત જાણું છું હજી.
Dhruvinkumar Ramanbhai Patel, 2035, Yogeshwar Nagar Sci. GHB Kanakpur-Kansad Sachin [Surat] Pin N- 394 230