સ્થિર
દૃશ્યોની જેમ
અવિશ્રાંત
ભાઈ, તને દૂર ઊભો જોતો રહું છું
તું તો ખાલી ઘરમાં
હર ક્ષણનો ખાલીપો
એક્કી શ્વાસે શાંત પડી ગયેલા
ઘૂઘવતા સમુદ્રનો સપાટ સન્નાટો.
– આ ડાઘુઓ તને કાંધે મૂકી
અગ્નિદાહ આપી આપી
રાખ ના કરી શકે ભૂતકાળને.
ક્ષણ સોંસરવા કાયમ
બિડાયેલા હૃદયને ફંફોસી
આંખને કિનારે
અટકી ગયેલાં આંસુને
કાળી શ્યાહીથી સીંચી
લખું છું
કાગળની ભેજ ભરી ભોંય પર
ટ્પ ટ્પક ટ્પ ટ્પક અક્ષરથી – ‘ભાઈ તને’ !
2035, Yogeshwar Nagar Sci. GHB Kanakpur – Kansad Sachin [Surat] Pin N- 394 230