મોંઘીદાટ ગાડી ને, મોંઘું છે પેટ્રોલ
ખેડુ છે, નથી તાત જગતનો!
એની અડફેટે આવીશ નૈં
નહિતર ખેડુને કચડી દઈશ …
એની છે પોલીસ ને એનો છે મંત્રી
પીળાં પાનાંનો એનો છે તંત્રી
ભૂલથી ટીવી ઉઘાડીશ નૈં
નહિતર ખેડુને કચડી દઈશ …
ચોર છે ભૈ, એ જ ચોકીદાર છે
અદાણી, અંબાણીનો દોસ્તાર છે
ભૈબંધીમાં પંચર પાડીશ નૈં
નહિતર ખેડુને કચડી દઈશ …
મોંઘીદાટ કલમ ને મોંઘો છે કાગળ
મરે છે માણસો, આગળ ને પાછળ
એની કવિતા જોડીશ નૈં
નહિતર ખેડુને કચડી દઈશ
E-mail : bharatmehta864@gmail.com
સૌજન્ય : “નિરીક્ષક”, 16 મે 2022; પૃ. 02