અંદરના પંખીની સંતો વાત કરે છે
પાંખો પ્રસરાવીને શરૂઆત કરે છે.
સમુદ્રની છાતી પર ઊગેલો સૂરજ,
ભર બપોર છાયડો કદ ઊંચો કરે છે.
સંધ્યા ટાણે સૂર્ય સૌની સામે ડૂબી,
આંખ આંજી ને શરૂઆત કરે છે.
એક આખો દરિયો આંખની અંદર,
અગોચર આ સંગમ અંતર ભરે છે
બજી રહ્યું અંદર ઝીણું મૂક જંતર,
કોઈ અગોચર ખૂણે વેદોના મંતર
માટીનો ખેલ ને ઘટઘટમાં બિરાજે રામ,
આ સીધી સાફ વાત વેદ ગીતા કહે છે.
ઘાટકોપર, મુંબઈ
e.mail : bijaljagadsagar@gmail.com