આત્મહંસની અનેરી આ ઉન્નત ઉડાન,
ના સત્ય કે અસત્ય, આપ આનંદ ઉજાસ.
શુભ્ર માનસમાં છાંયે પેલું નીલું આકાશ,
હું જાણું મનોશાંતિ મારા અંતરની પાસ.
દેવ સૂરજને અણસારે જાગૃત સભાન,
શ્વેત હંસ ધીરે ફફડાવે, વિસ્તારે પાંખ.
ભરે શ્રદ્ધાથી ફાળ થનક નર્તન ને ગાન,
તેજ આશા કિરણ રેખ આંજે રે આંખ.
અલ અનેરી અદાથી હંસ અર્પે છે શ્લોક,
એની પાંખો ફેલાવી આલિંગે અવલોક.
પ્રાર્થના, સમર્પણ, કૃપા શક્તિનો કોષ,
ના સમય તણી રેખા અલૌકિક આગોશ.
આ ક્ષણમાં જે જીવ્યા, તે જ અમરકાળ,
ના ભૂત કે ભવિષ્ય, આ પળ અનંતકાળ.
e.mail : saryuparikh@gmail.com
