સંબંધોની એક ગૂંથેલી જાળ હવે તો તૂટી ગઈ,
મરી ગયું છે મચ્છ પાળ હવે તો તૂટી ગઈ.
રણની વચ્ચે દરિયાનું શબ એવું તરતું આવે,
વૃક્ષો તણાયાં જાય ભાળ હવે તો છૂટી ગઈ.
અંધારાની પીઠ પર બેસી અજવાળાને જુઓ કોઈ,
આગિયે ઝબક્યું આભ ફાળ હવે તો ફૂટી ગઈ.
તંબૂરાની તીણી તીણી સાંજને તો સુણો લ્યો,
છલબલતા એ હૈયાની લાળ હવે તો લૂંટી ગઈ.
લ્યો આ અમને આપી શકો તો આપો ક્ષણને,
ફુગ્ગો ફૂટ્યો હમણાં પાળ હવે તો તૂટી ગઈ.
e.mail : hbpandya1963@gmail.com
ઝાકળ પીને નિત સવારે સરતાં ફૂલો તે અમે,
ઢળતાં સૂરજના તડકે ખરતાં ફૂલો તે અમે.
એક એક લહર આવતી પ્હેરી લીલા પડછાયા,
તોપો વચ્ચે વેલ પાંગરી રડતાં ફૂલો તે અમે.
બધાં નીકળ્યા બાંધી દરિયા કૂવાથંભની ટોચે,
ઝરણાંના કલરવમાં ઊગી તરતાં ફૂલો તે અમે.
નજર આકરી લાગે એવાં ફળના ચીરા ચારેકોર,
હળું પવન સાંધતો પગરવ રમતાં ફૂલો તે અમે.
દ્રૌપદીના લીરેલીરા થાય આ કૌરવ સભામાં
એની કોમળ આંગળીએ ઝરતાં ફૂલો તે અમે.
e.mail : hbpandya1963@gmail.com