સવારે બરાબર ૬:૦૦ વાગે બરખાનો ફોન વાગ્યો. નામ જોવાની પણ જરૂર બરખાને ના પડી. બરખાએ આખી રાત આ ફોનની વાટ જોઈ હતી. સીધી બાલ્કનીમાં આવી, ઊંડા શ્વાસે ફોન ઉપાડ્યો. ૩૬૫ દિવસમાં બરખાને ખાલી આજના જ દિવસની રાહ હોય છે.

'હેપી બર્થ ડે બરખા’.

બરખાની આંખોના ખૂણા ભીનાં થઇ ગયાં. શ્વાસમાં ડૂમો ભરાઈ ગયો જાણે હમણાં જોર જોરથી રડી પડશે અને એક વર્ષથી સંઘરી રાખેલાં આંસુઓ વરસી પડશે.

આ ફોનની રિંગ વાગતી હતી ત્યારે શુભની હાલત પણ કંઈક આવી જ હતી. એટલે શુભ બરખાની આ દશાથી વાકેફ હતો. ૧૦ વર્ષથી આ સિલસિલો ચાલે છે.

કેમ છે તું, શુભ ? બરખાએ ભારે અવાજે પૂછ્યું.

એમ ફાઈન. જેવો ગયા વર્ષે હતો એવો. તું કે ઘરે બધા કેમ છે?

એવરી થીંગ ઇસ ફાઈન, શુભ. કોઈ ચિંતા નથી.

હાઉ ઇસ યોર ક્લિનીક બરખા ?

ગ્રેટ.ઓકે.

શુભ ૧૦ વર્ષ થઈ ગયાં,

હંમમમમ.

આઇ સો યોર ઇન્ટરવ્યૂ, શુભ. પતલો થઇ ગયો છે.

શુભ હસ્યો જ્યારે થોડો 'જાડો' હતો, સોરી 'હેલ્ધી' હતો ત્યારે પાતળું થવાનું કહેતી હતી. હા કામ બૌ રે છે. બુક લોન્ચ અને બધું ….

શુભ, ગઇકાલથી અહીં વરસાદ ચાલુ થઇ ગયો. તાપીનો તટ ફરી લીલોછમ્મ થઇ ગયો. …. વર્ષમાં એક વાર આપણા બંનેની જેમ …. આ આંખોની ભીનાશને હવે આખું વર્ષ સાચવવાની. બાકી તો બધું ઠીક છે, પણ કોઈક ક્ષણ આવી હોઈ છે શુભ જેમાં તારી કમી ખૂબ વાગે છે. શુભ, ક્યારેક મને એવો વિચાર આવે, કોના માટે આપણે આ નિર્ણય લીધો હતો! પણ હું બહુ ખુશ છું. શુભ, ૧૦ વર્ષ થઈ ગયાં અને ખબર નહીં આવતાં કેટલાં વર્ષો સુધી મને તારા ફોનનો ઇંતઝાર રહેશે.

બરખા, શું ૧૦ વર્ષ, મને તો હાજી કાલની વાત લાગે છે. મને હાજી એ દ્રશ્ય યાદ છે અને હું એ કદી ભૂલી પણ નહીં શકું જ્યારે મેં બરખા જોશીને પહલી વાર જોઈ હતી. હાથમાં ખનખન કરતી બંગડીઓ, ઊંચું પાતળું કદ, પિંક એન્ડ મરૂન ચૂડીદાર, લાંબા વાળનો અંબોડો એમાં પેન્સિલ ખોસેલી. હાથમાં ચોપડીઓ અને કોલેજની સીડીઓ પર મારી સાથે અથડાવું અને જોયા વગર સોરી કહીને ભાગવું. ધેટ વોઝ યુ. એક એક ક્ષણ યાદ છે મને, બરખા. કેમ કે હું હજી ત્યાં જ ઊભો છું અને હંમેશાં રહીશ. બરખા, આ શુભ હંમેશાં તારા મંગલની કામના કરે છે.

બરખા કશું ય બોલી ના શકી, પછી. ચાલ હું રાખું છું … શુભ …

શુભ હસ્યો. ૧૦ વર્ષ થઇ ગયાં. તારે બોલવાની જરૂર નથી. હું તારા શ્વાસમાં છું .. બાય, સી યુ નેક્સટ યર.
બરખા બોલી, બાય.
શુભે ફોન રાખી દીધો. બરખા ઊભી થઇ હોલમાં આવી, અને જોરથી ફુગ્ગો ફૂટ્યો અને ‘હેપી બર્થ ડે ટુ યુ મોમ’, જોરથી ગાવા લાગ્યા છોકરાઓ. ખૂબ ખુશ હતા. આનંદે બરખાને ડાયમંડ ચૈન પહેરાવી; અને બધાંની સવાર ખૂબ ખુશમિઝાઝ બની ગઈ.

e.mail : sagarsheikh005@gmail.com

ગુજરાત લોકસેવા પસંદગી મંડળ દ્વારા લેવામાં આવેલી વર્ગ ૨ની આસિસ્ટન્ટ પ્રોફેસર પોલિટેક્નિક એન્જિનિરીંગ કોલેજની ભરતીમાં પાસ થઇ ડોક્યુમેન્ટ વેરિફિકેશન પતાવી પોતાના નિમણૂંક પત્રની ગુજરાતના આશરે ૩૭૦ એન્જિનિરીંગના વિદ્યાર્થીઓ ગત ઘણાં વર્ષથી વાટ જોઈ રહ્યા છે.

નોંધીનીય છે કે આ ભરતી ૨૦૧૫ નવેમ્બરમાં કરાઈ હતી, પણ હાલ સુધી સરકાર આ ભરતીનો કોઈ ઉકેલ લાવી નથી. દરમિયાન આ ઉમેદવારોએ ગુજરાત ટેકિનલ એડયુકેશન વિભાગની કચેરીમાં પોતાની ઘણી બધીવાર રજૂઆતો કરી, તે પછી છેક ૨૦૧૯માં તેમને જાણ કરવામાં આવી કે આ ભરતી ઉપર હાલ હાઈ-કોર્ટનો ઓર્ડર સ્ટે છે, જે કોન્ટ્રાક્ટ ફેકલ્ટી દ્વારા ઉઠાવવામાં આવ્યો છે. આ ઉમેદવારો પોતાના સ્વખર્ચે આ સ્ટેની વિરુદ્ધ લડ્યા અને લાખો રૂપિયા ચૂકવી આ સ્ટે ઓર્ડર હાઈ-કોર્ટમાંથી રદ્દ કરી આવ્યા. ઓર્ડરમાં નામદાર હાઈ-કોર્ટે સ્પષ્ટ કર્યું છે કે વિભાગ આ ઉમેદવારોને નોકરીના ઓર્ડર આપી શકે છે.

હાલ ટેકિનલ એડયુકેશનની કચેરીમાં આ ઉમેદવારો રોજ ફોન કરી અને ટ્વિટટર #GPSC બેરોજગારના માધ્યમથી પોતાની વેદના વ્યક્ત કરી રહ્યા છે, પણ સરકાર અને વિભાગ તરફથી આ ઉમેદવારોને કોઈ પ્રતિસાદ મળી રહ્યો નથી. ઊલટું વિભાગ એમ જવાબ આપે છે કે પરીક્ષાના ફોર્મમાં સ્પષ્ટ રીતે દાર્શવેલું છે કે GPSCની પરીક્ષા જો વિભાગ અને સરકાર ઈચ્છે તો રદ્દ પણ થઇ શકે જેથી ઉમેદવારો પોતાની લાયકાત સાબિત કર્યા પછી પણ હાલ પૂરતા ભારે નિરાશા અનુભવી રહ્યા છે.

ગુજરાતમાં GPSC અને બીજા આયોગની પરીક્ષાની તૈયારી કરતા ઉમેદવારોને આ બાબત ખાસ ધ્યાનમાં લાવી અને પોતાના ભવિષ્યનું આયોજન કરવું .

e.mail : sagarsheikh005@gmail.com