આપણને
બે કોરોના.
કૉમ્યુનલ અને
ચાઇનીઝ.
સૌજન્ય : “નિરીક્ષક” − ડિજિટલ આવૃત્તિ; 08 મે 2020
આપણને
બે કોરોના.
કૉમ્યુનલ અને
ચાઇનીઝ.
સૌજન્ય : “નિરીક્ષક” − ડિજિટલ આવૃત્તિ; 08 મે 2020
1.
બહુ ખરાબ સમય ચાલે છે,
ન ચાલવાના વિષય ચાલે છે !
મકાનોમાં જ હતાં લોકો ને
બહાર માર્ગમાં ભય ચાલે છે !
ઘટી રહી છે હવે વસ્તીઓ,
છૂપી રીતે જ પ્રલય ચાલે છે !
કશું ન ચાલે અહીંયાં બીજું,
સૂરજનો અસ્ત ઉદય ચાલે છે !
શરીર હોય કોઈ શબ જાણે,
ને એમાં એક હ્રદય ચાલે છે !
હું જાત સાથે કરું છું વાતો,
બહુ વિવેક વિનય ચાલે છે !
•••
2.
દવાઓની દુકાનો બંધ રાખે,
મરીએ તો સ્મશાનો બંધ રાખે !
ઊભો છે દ્વાર પર આવીને રસ્તો,
બધાં એથી મકાનો બંધ રાખે !
કરે છે બ્રહ્મચારીઓ બીજું શું,
એ એનાં ખાનદાનો બંધ રાખે !
જુઓ આ બંધ ક્યાંથી ક્યાં પહોંચ્યો,
કે સંસદને પ્રધાનો બંધ રાખે !
બીજી દુનિયામાં જઈ શકતો નથી હું,
આ સૃષ્ટિ આસમાનો બંધ રાખે !
સૌજન્ય : “નિરીક્ષક” − ડિજિટલ આવૃત્તિ; 06 મે 2020