મધુસૂદન કાપડિયાના “ઓપિનિયન” ઓક્ટોબર 30, 2013માં છપાયેલા લેખ, અમેરિકાવાસી કેટલાક સર્જકો — 'પર્યાલોચન અને પ્રતિભાવ' વાંચ્યો. લેખમાં એમણે એમના પુસ્તકની જે પ્રશંસા થઈ તે સહર્ષ વધાવી લીધી છે. અને જે કંઈ ટીકા થઈ છે તેનાથી છંછેડાઈને, એમણે, ડિફેન્સ એટર્નીની અદાએ, મુદ્દાસર જવાબ આપ્યા છે.

એ પુસ્તકની અમારી સમીક્ષામાં અમે એમને કદાચ અન્યાય તો નથી કરી બેઠા એ દ્રષ્ટિએ અમે અમારા લેખો ફરી વાર વાંચી ગયા. મધુસૂદનભાઈના આ લેખ વાંચ્યા પછી, અમને અમારી સમીક્ષાઓની યોગ્યતાની ફરી એક વાર ખાતરી થાય છે અને એ સમીક્ષાઓનું અમે અહીં નિઃસંકોચ પુનરાવર્તન કરીએ છીએ. એમના લેખને અંતે એ લખે છે ઃ 'આત્મરતિમાં રાચતા સાહિત્યકારોને નોર્મન વિન્સન્ટ પીલનું અવતરણ સપ્રેમ ભેટ : "The trouble with most of us is that we would rather be ruined by praise than saved by criticism." પીલના આ અવતરણ સાથે અમે સર્વથા સંમત થઈએ છીએ અને એટલા જ પ્રેમથી મધુસૂદનભાઈને વળતું ભેટ કરતાં અમે આનંદ અનુભવીએ છીએ.

e.mail : naik19104@yahoo.com