ચક્ષુના હિંડોળા લઈ બેઠી બેન; ભાઈની જુવે વાટ,
અવાચક ભીંતસોસરા ઓરડા બેની ભાઈની જુવે વાટ.
ભીંતોની જેમ હવા સ્તબ્ધ, આંખોમાં ઉમટે વમળ,
કીકીમાં પોપડા બાઝી ગયા; બેની ભાઈની જુવે વાટ
વાદળની વેલને ફૂટ્યાં ફૂલડાં રજનીના રંગનો સાથ,
પાંપણ લચકો થઈ, ઉંબરે બેની ભાઈની જુવે વાટ.
કોઈ ધસમસતા ખાલી ચેહરે અણોસરા જજબાત,
લીલી સૂકી આંખોની મિરાત; બેની ભાઈની જુવે વાટ
ઋણાબંધનાં દોરાથી એક બીજાને બાંધીએ આજ,
ઝળઝળિયાં આરતીના દીવા, બેની ભાઈની જુવે વાટ.
ઘાટકોપર, મુંબઈ
e.mail : bijaljagadsagar@gmail.com