પુસ્તક વાંચીને –
પેટ નથી ભરાતું!
કવિતા લખીને –
પેટ નથી ભરાતું!
વાર્તા ઘડીને –
પેટ નથી ભરાતું!
નાટકનું અભિન્ન અંગ બનીને –
પેટ નથી ભરાતું!
પ્રેમ કરીને, મેળવીને –
પેટ નથી ભરાતું!
કોઈના માટે રડીને, હસીને –
પેટ નથી ભરાતું!
કોઈને યાદ કરીને –
પેટ નથી ભરાતું!
કોઈને બહુ દિવસે મળીને –
પેટ નથી ભરાતું!
મળીને છૂટા પડીને –
પેટ નથી ભરાતું!
સાથે બેસીને –
પેટ નથી ભરાતું!
એકલા ચાલીને –
પેટ નથી ભરાતું!
ચાલ્યા પછી થોભીને –
પેટ નથી ભરાતું!
થોભ્યા પછી કશું શોધીને –
પેટ નથી ભરાતું!
તમે પેટ ભરાઈ ગયું, કોને કહો છો?
ખાવાથી ભરાય કે પીવાથી ભરાય એને?
કે પછી …
બાજુના ઘરમાં કોઈ ભૂખ્યું હોય અને
તમારા ગળેથી કોળિયો
નીચે ના ઊતરે –
એને!
•
e.mail panchalbrijesh02@gmail.com
સૌજન્ય : “નિરીક્ષક”, 01 ફેબ્રુઆરી 2022; પૃ. 15