નાનાં નાનાં માણસોના
મોટા મોટા ઈગો હર્ટ થવાના,
કારણકે મતપત્રક રવાના.
પેલા કવિ ને પેલા વાર્તાકાર
માત્ર શબ્દો આમતેમ થવાના,
કારણકે મતપત્રક રવાના.
હું જ કાગળ અને હું જ કલમ!
ઘેર ઘેર લખવા જવાના;
હારશે એના ભાવ ઘટવાના
ને જીતશે તેના વધવાના;
કારણકે મતપત્રક રવાના.
મતોની જ બધી રામાયણ છે!
પેલાના હાતસો ને મારા તૈણસો જ?
કવિઓએ સાથ ન આપ્યો
ને જોડે રહીને હરાવવાના,
કારણકે મતપત્રક રવાના.
ભાષા અને સાહિત્ય નેવે મૂકી,
સત્તાના ગુણગાન ગવાવાના!
હું મંત્રી ને તુ મહામંત્રી,
વહેંચીને રાજ ચલાવવાના;
માત્ર શબ્દો આમતેમ થવાના,
કારણકે મતપત્રક રવાના.
(ગુજરાતી સાહિત્ય પરિષદ ચૂંટણી… ૧૬ ઓક્ટોબર, ૨૦૨૩)
સૌજન્ય : તન્મયભાઈ તિમિરની ફેઇસબૂક દીવાલેથી સાદર