રામની માટી, રામ ઉગાડે, રામ જ ખેતી, રામ જ ધાન,
રામ-પશુઓ ખાવે ચડ્યાં, રામ-ભોજના ખાન-પાન,
રામ ઓડકાર, રામ આફરો, રામે ખાધાં અન્નકૂટ,
રામનામકી લૂંટ લગી હૈ, લૂંટ શકે તો લૂંટ.
રામનામને પૂંછડી બાંધી, સળગાવી અયોધ્યા આખી,
રામ ખમીસના રામ-રાજમાં રામ રમાડે ચડ્ડી ખાખી,
રામનું માથું, રામની ટોપી, રામ જ લાઠી, રામ જ બૂટ,
રામનામકી લૂંટ લગી હૈ, લૂંટ શકે તો લૂંટ.
ભીષણ ધમકી, ભાષણ વચ્ચે વિભીષણ ભાષે ભષ્ ભષ્ ભષ્,
રામ જ કહેતાં, રામ જ સુણતાં, રામ-આનન દશ, રામ વિવશ.
રામ ચકડોળ, રામ ઘુમાવે, રામ રૂઢ, રામ આરૂઢ,
રામનામકી લૂંટ લગી હૈ, લૂંટ શકે તો લૂંટ.
e.mail :chirag.trivedi@ahduni.edu.in
