ના કશું કૈં નવું થવાનું છે?
કાલ જેવું જ જીવવાનું છે.
આંસુ જેમ જ વહી જવું હો તો,
આંખમાં સૌએ આવવાનું છે.
હસ્તરેખા જ જો બીજાની હો,
ભાગ્ય ક્યાં આપણું થવાનું છે !
ના જતી હોય તેમ વીતે પળ,
આપણે એમ વીતવાનું છે.
સાથ જે પણ હતા નથી સાથે,
આપણે એકલા જવાનું છે.
છોડવું છે તો છોડતાં જઈએ,
ક્યાં અહીં પાછું આવવાનું છે !
હો હવા પણ રહે ન શ્વાસો તો,
ક્યાં મરણ કોઈ રોકવાનું છે?
યાદ પણ કોઈ ના હવે રાખે,
કામ દુનિયાનું ભૂંસવાનું છે.
0 0 0
e.mail : ravindra21111946@gmail.com