હું તને જોયા કરું એવું નથી,
છે ઘણું કે'વું ઘણું કે'વું નથી.
કોણ લૂછે છે મને દાગો ગણી ?
આંખ પર જો સ્હેજ પણ ટીપું નથી.
તું હકીકતમાં ફરી દોડી જજે,
હું ભરમ છું આંખનો એવું નથી.
દિલ જગા ખાલી કરું છું આજથી !
સ્થાન મારું ત્યાં બધા જેવું નથી.
રોજ હઠ પકડી રડે છે બાળપણ !
પણ રમકડું કોઈ લૈ દેવું નથી.
એ જ મારી જિંદગીનો મર્મ છે!
કાચ સામે છું છતાં એ હું નથી.
2035, Yogeshwar Nagar Sci. GHB Kanakpur-Kansad Sachin [Surat] Pin N- 394 230