દર્દે અંદર દોડી જઈને
દરવાજા બંધ કરી દીધા,
જ્યારે ખુશીઓ યાદોના ગુલદસ્તા,
હસતા હસતા
મેંદીનાં મુકુલોથી મહેકતા,
લઈને મળવા આવી
મેહમાં વરસતા.
ખુશીઓ યુગો પછી
દર્દને મળી રહી હતી,
ખુશીથી ખીલી રહી હતી,
પણ દર્દની સિકલ
એટલી બદલાઈ ગઈ હતી,
ખુદ વીસરાઈ ગઈ હતી એને આપવીતી.
ખટખટાવ્યું ખુશીઓએ
મિત્રો, કિશોરીઓએ,
ગવૈયા, કિન્નરીઓએ,
ગોદમાં જેણે પાળ્યું’તું
તે ઘરડી સ્ત્રીઓએ,
પણ દર્દે દુવાર નહીં ખોલ્યું,
કેવલ અંદરથી બોલ્યું —
હું બીજું કંઈ નથી કહેતું,
બસ એટલું જ કે દર્દ હવે અહીં નથી રહેતું.
email: vkapmail@yahoo.com
