ગરજવાનને અક્કલ સાથે બાંધી દીધો,
ગાંધીવાદીને ખદ્દર સાથે બાંધી દીધો!
'અણુ અણુમાં વ્યાપ્ત' કહી ઉઘાડે છોગ,
વિશ્વંભરને પથ્થર સાથે બાંધી દીધો!
આંગળીઓએ રમત રમીને કેવો લપેટ્યો?
અંગૂઠાને ચપ્પલ સાથે બાંધી દીધો!
ચપરાસી શો ચાંપ દબાવી ફરતો રાખ્યો,
પવન-જનકને છપ્પર સાથે બાંધી દીધો!
વરસો સુધી ભટકાયાનું યાદ અપાવે,
ઘોબો કેવો ટક્કર સાથે બાંધી દીધો !?
૧૦/૫/૨૦૧૦
https://www.facebook.com/#!/pancham.shukla
તારા આ શહેરી ફ્લેટમાં
કાચની દીવાલો ચકચકિત
ને ઝળહળતી છત ભેટમાં
… ક્યાં છલકે પાદરનું અતીત ?
બહાર હવા અડપલાં કરતી
બાવલાં પડતાં છોભા
હું માંહે માંડ તરતી
માત્ર થઈને શોભા
તેં જ દીધા રૂપ – ઈશ
ને કીધી નક્કી નિયતિ:
સ્ત્રી – પરી – ગોલ્ડફીશ
મનોરંજન કાજ જીવતી
તારા વિશ્વની મૂંગી ચીસ
હું બસ – સદા ઝૂકતું શિશ
e.mail : drvision@gmail.com
ગધનાની આંખોમાં છલકે સરવરિયા બે-ચાર,
ગધની એમાં ડૂબી જાય …
ગધનો ખીલે સોળ કળાએ નદિયુંની મોઝાર,
ગધની એમાં ડૂબી જાય …
કમળ એટલે ગધનો
ગધની કમળપાંદડી જેવી !
વમળ એટલે ગધનો
ગધની ગતિશાસ્ત્રની દેવી !!
ગધનો ઝીલે ઝરમર ઝરમર વરસે અનરાધાર,
ગધની એમાં ડૂબી જાય …
કોઈ બગીચો ગધનો
ગધની એના ફરતી વંડી !
મઘમઘ જંગલ ગધનો
ગધની એની તો પગદંડી !!
ગધનો ફુગ્ગો ફૂલણશીનો ફૂટે પારાવાર,
ગધની એમાં ડૂબી જાય …
શબદ એટલે ગધનો
ગધની થાતી કાનો માતર !
પવન એટલે ગધનો
ગધની એના ફરતી ચાદર !!
ગધનો અરધો પાણી જેવો અરધો છે પગથાર,
ગધની એમાં ડૂબી જાય …
ગધનાની આંખોમાં છલકે સરવરિયા બે-ચાર,
ગધની એમાં ડૂબી જાય …
°
ગધના પાસે ગધની બેઠી
ગધના પાસે ગધની બેઠી સોળ કળાએ ખીલવા !
ગધનો પણ બેઠો છે એવો શ્રાવણ – ભાદર ઝીલવા !
ગધનો પૂછે ગધનીને આ સાત સમંદર પાર …
હોડી નૈ, હલ્લેસું નૈ, બસ તું અમને ઉતાર …
ગધનો ખોલે પ્રેમગઠરિયાં ગધની માંડે હીલવા !
ગધના પાસે બેઠી સોળ કળાએ ખીલવા !
ગધનો ઝીંકે આડાઅવળી પ્રેમ-બ્રેમની વાત !
ગધની જાણે બનતી જાતી મેઘધનૂષી જાત !
કોઈ દિવસ આજે ગધની માંડી સપના છીલવા …
ગધના પાસે ગધની બેઠી સોળ કળાએ ખીલવા …
http://deepakgtrivedi.wordpress.com/2013/01/24/ગધના-ગધનીનાં-ગીતો/