ઓ
તેલિયા શેખો, શાહો, સુલતાનો !
ખૂબ ખૂબ ગવાયેલી
તમારી ગેરતને, દિલાવરીને
ચરી ગયાં લાગે છે ઊંટોનાં ધણ !
યા કદાચ
ચાવી ગયા હોય રેસના ઘોડા,
યા શક્ય છે
તેલના કૂવાઓમાં ઓગળી
થૈ ગયું હોય એનું તેલ
ને વિશ્વ બજારોમાં
થયું હોય એનું સેલ !
હા,
એવું જ કંઈક થયું લાગે છે.
નહિતર
તમારાં ભાઈભાંડું
વૃદ્ધો, જવાનો, બહેનો, બાળકો,
ઘરથી બેઘર થઈ
ભટકતાં ન હોત લાચાર દશામાં
પશ્ચિમી દેશોમાં
આશરા માટે !
ખાટલા માટે !
કટકો રોટલા માટે !
ઓ
તેલિયા શેખો, શાહો, સુલતાનો !
બેશરમ, બેગેરત, ખેપાનો !
(ફેબ્રુઆરી, 2016)
11, Croston Terrace, Ayers Road, Old Trafford, MANCHESTER M16 7FD, U.K.
