જ્યાં ચળકતી લાગણીમાં ભેરવાયા,
ત્યાં પછી તો એકબીજામાં સમાયા.
આ જ માટીમાં દટાઈને નીકળ્યા,
તોય મિત્રોને અમે લાગ્યા પરાયા.
ભેટમાં અમને મળી બસ બાદબાકી,
જેની પાછળ અંત લગ કદમો ઘસાયા.
એક અપરાધી ગઝલના થઈ ગયા શું!
નામથી હર એક છાપામાં છપાયા.
એમ તો અપડેટ, અપટુડેટ હતા પણ,
આરસી દેખાડતા ખોટા જણાયા.
આપની નગરીમાં “સિદ્દીક” પ્રેમ આપી,
ખૂબ મોંઘી જ્યાં ગયા નફરત કમાયા.
અમદાવાદ
E.mail : siddiq948212@gmail.com
