વરસાદ આવતા પહેલાં જ
વરસાદથી બચવાની તૈયારી ચાલી રહી છે
બધી તિરાડો પૂરી દીધી છે
અને છત લીપીને, હવે છત્રી પણ સંધાવી લીધી છે
બહારની બાજુ ખુલતી જે બારી છે
એની ઊપર પણ છજ્જું મઢાવી દીધું છે
મુખ્ય રસ્તા પરથી ગલીમાં થઈ દરવાજા સુધી આવતો માર્ગ
કપચી-માટી નાંખી એને ટીપી રહ્યાં છીએ!
અહીં જ ક્યાંક ખાડાઓમાં
વરસાદ આવતા જ પાણી ભરાઈ જાય છે
જૂતા, પગ અને પાયચા બધું પલળી જાય છે
ગળે ના પડી જાય મેઘધનુષ
ભીંજાઈ ના જવાય વાદળથી
મેઘથી બચીને જીવીએ છે
વરસાદ આવતા પહેલાં જ
વરસાદથી બચવાની તૈયારી ચાલી રહી છે.
e.mail : rupaleeburke@yahoo.co.in
