નહિ મોન્તા
વરી,
અમોં કો…ય સોં ન્તા મોં
…
શ અમાર તો
ગોમ મોં જ શોં ન્તા
ન પૂરતી શ
ભલ ન શૉમરી ન પાતરી
…
અમોનં વિલાયતી દેવતૉની
કોય જરૂર નહિ
અન નઇ જરૂર ઇના થેલાની ક
ઇયાંની શોકલેટ, ગોરીઓની
મફરી, બોરાં, ટેભરોં
ફોંટમોં બૉંઘી ન રોજ ભરી લાવ શ
અમોરી શોં ન્તા
તો
વરહ ના વસલા દા ડ
સોં ન્તા ની લાય મોં
હું કોંમ ઉપાડો લઇ બેઠા સો લ્યા
ક યું ના ?
ક
નહિ મોન્તા
અમં કો…ય સોં ન્તા મોં
25 ડિસે. 2020
લૂંટાયેલી
એક કવિતા
જેની ચીરહરણની ચિચિયારીઓથી
ચકલીઓની ઊડાઊડનો ફફડાટ
અસ્તાચળના આખરી પ્રકાશમાં
ક્યારનો આથમી ચૂક્યો હતો
એની
પિંખાયેલી કડીઓ, ચૂંથાયેલી
દેહલતા મેલી
તૂટેલા મણકા:
વેધાયેલી જિહ્વા
પર
મૂંગી વેદનાનું લોહી ગંઠાઇ ગયું હતું
સીમની પેલે પાર
…
… પાદરે જામેલી મહેફિલમાં
અલંકૃત ગઝલના
ચૂંટાયેલા શેર
વાહવાઇના મદમાં દોહરાતા રહ્યા
કંઠસ્થ થતા ગયા.
…
કાગળ સમેત સળગી ચૂકેલી
એ કવિતાની ભસ્મ
અલોપ થઇ ચૂકી છે
ને કોઇ સભામાં
એની નોંધ પણ લેવાતી નથી
…
બાકી કવિતાઓ હજી ગવાયા કરે છે
ઘવાયા કરે છે …
એમણે ઘોષણા કરી
એક અન્ય બીમાર વૃદ્ધનું પાછલી રાત્રે મૃત્યુ થયું છે
આમ તો મારે ઝાઝી ફરિયાદ નથી
કિન્તુ
આ સૌ ઠંડાગાર આંકડામાંનો એક બીજો આંકડો?
ઘડપણની સાવ નિર્મૂલ્ય અવહેલના?
નિસ્પૃહા:
એ આત્માએ વરસો સહેલી
દર્દોની અગણિત પીડાઓ
– પરંતુ
ધબકતા હાર્દનું બંધ થવું
એટલે બીજી કેટલી ય શક્યતાઓનો જન્મ
ઉપકરણો, ઈલાજ
…
કોઈ જિંદગીનો ભરોસો નથી
છતાં
એ હજુ એ કહ્યે જાય છે
એક વૃદ્ધ માત્રનું મૃત્યુ થયું છે.
૨૮ માર્ચ ૨૦૨૦
e.mail : fdghanchi@hotmail.com