વરસે વાદલડી ઝરમર, સખી મને વાલમ સાંભરે.

યાદે જીવ થાય અધ્ધર, સખી મને વાલમ સાંભરે.

કરી મેઘગર્જનાને કડાકાભડાકા સંભળાતા કેવા !

જાણે એના ક્રોધની અસર, સખી મને વાલમ સાંભરે.

મીઠી માદક ધરાની માટીની સુગંધ મનમોહક કેટલી!

રખે વાલમના અંગે અત્તર, સખી મને વાલમ સાંભરે.

ચમકે દામિની ઉજાસ કેટકેટલો ફેલાવતી નભમાં,

રખે અંધકારમાં થયો હાજર, સખી મને વાલમ સાંભરે.

વહેતાં વારિ ખળખળ ધરાની શોભાને વધારનારાં,

મળી મુખ મુસ્કાની ખબર, સખી મને વાલમ સાંભરે.

વિરમતાં વર્ષા રવિ ઉદયે વ્યોમે ઈન્દ્રધનુ સંમુખ હો,

સપ્તરંગી હોય હેતનું નગર, સખી મને વાલમ સાંભરે.

મેડકરવ નિશાસંગે કર્કશ કરી કાનાફૂસી રખે કરતાં,

શકે હશે એ પ્રેમપંથનો કર, સખી મને વાલમ સાંભરે.

પોરબંદર

e.mail : chaitanyajc555@gmail.com

હવે તો બસ કર, તું હરિ.

આવતી આફતો ફરીફરી.

માંડ કળ વળી કોરોનાની,

ત્યાં વાવાઝોડું દીધું ધરી.

આમ આપદા શાને આપે?

કેમ જીવવું હરિ મરીમરી?

કૈંક હોમાશે એનાં ખપ્પરમાં,

જીવમાત્રને જાણે ખરાખરી.

વિચારજે આખરે તારાં અમે,

ના ગમતું જીવવાનું ડરી ડરી.

સૂકાં સાથે લીલું પણ બળશે,

દેખાય છે ક્રૂરતા તારી નરી નરી.

દૂર રાખજે એને દેવ દયાનિધિ,

વિનવીએ નયનાશ્રુ ભરી ભરી.

પોરબંદર

e.mail : chaitanyajc555@gmail.com

બરફની હાજરી મગજમાં હોવી જરૂરી.

એટલી દરકાર તો આપણે લેવી જરૂરી.

કટુવાણી કામ બગાડનારી હોય સર્વદા,

આ વાત સૌએ બસ સમજવી જરૂરી.

મધુવાણી ઠંડા દિમાગની જ નીપજ છે,

ઉશ્કેરાટને ઉકળાટ વેળા તજવી જરૂરી.

હસતો ચહેરો છે નિશાની બરફ હાજરી,

પરાવાણી પ્રત્યેક મુખે ઉચ્ચરવી જરૂરી.

વૈખરી વદનાર કામ બગાડી અપ્રિય થતા,

વસમા વખતે સબર સ્હેજે ધરવી જરૂરી.

પોરબંદર

E.mail : joshichaitanya568@gmail.com