પાબ્લો નેરુદા : પ્રેમકાવ્યો

If You Forget Me : તું જો મને ભૂલે

પણ જો

હરરોજ હર કલાકે

તને થાય કે તું મારા માટે જ સરજાઈ છું

અને એમાં હઠીલી મીઠાસ પણ હોય

પણ જો

હરરોજ એક પુષ્પ મને શોધતું

તારા હોઠ સુધી પ્હૉંચી જાય

ઓ પ્રિયા

પ્રિયા ઓ

એથી તો મારી એ જ અગન ભભૂકશે,

ન બુઝાશે, ન ભુલાશે.

પણ જો

મારો પ્રેમ તારા પ્રેમને પોષશે

હે પ્રિયા

હમેશાં

તો એ મારા બાહુથી તારા બાહુમાં

રક્ષિત હશે

તું જીવીશ ત્યાંલગી

= = =

(From :”Twenty Love Poems and a Song of Despair” : Tr. by W S Merwin )

૨

Tomorrow We Will Only Give Them a Leaf :

આવતી કાલે એ લોકોને આપણે …

આવતી કાલે એ લોકોને આપણે

આપણા પ્રેમવૃક્ષનું માત્ર એક પર્ણ આપશું

પર્ણ પડશે

ધરતી પર

જાણે એ આપણા હોઠોથી બન્યું હશે

જાણે એ આપણા ચુમ્બનથી બન્યું હશે

પડશે

આપણી અદૃશ્ય ઊંચી અટારીએથી

નીચે

કેમ?

બતાવવા એ લોકોને કે એક સાચા પ્રેમની

અગન અને કુમાશ શું હોય છે

= = =